هوا صلاحيه الكاوتش قد ايه
انا عندي العربيه بكاوتش الفبريقه و هيا موديل 2007 و عامله 23 الف كيلو
كنت برصص الراجل قلي الكاوتش ده ناشف و غيره الصيف الجاي و انه نشف من الركنه
حد يفهمني بقي معني الكلام ده ؟؟
عرض للطباعة
هوا صلاحيه الكاوتش قد ايه
انا عندي العربيه بكاوتش الفبريقه و هيا موديل 2007 و عامله 23 الف كيلو
كنت برصص الراجل قلي الكاوتش ده ناشف و غيره الصيف الجاي و انه نشف من الركنه
حد يفهمني بقي معني الكلام ده ؟؟
الكاوتش صلاحيته 5 او 6 سنوات من تاريخ الصناعه
بعدها لازم يتغير لان خطر تمشى بيه
هنزل ابص ع تاريخ انتاجه بالظبط
بس فيه بيقولوا الصلاحيه من سنتين لتلاته
اتاكد من الموضوع ده ازاي
بالذات اني بكون ماشي فوق ال 100 كتير
صلاحية الكاوتش بدون استخدام 6 سنين كحد اقصي و ده نظرا للعوامل الجوية و التعرية..ألخ...ألخ
في حالة الاستخدام بيكون 3 سنين او 4 كحد اقصي في الاستخدام القليل و بعدها بتظهر سواء اللوحة او المسحة او اي من المشاكل اللي بتظهر بعد الاستخدام
و فعلا الكاوتش لما بينشف مش بيترصص لازم تجيب واحد جديد و ترصصه
و طالما العربية من 2007 يبقي غالبا تاريخ الانتاج من 2005-2006
و ده موضوع اتمني انه يفيدك بخصوص تاريخ الانتاج
http://www.nilemotors.net/Nile/232923-a.html
و بالتوفيق ان شاء الله
هيا العربيه اخر 2007 و وممشيتش كتير ؟؟
يعني كده اغيره امتي
مع انه متمسحش و لسه زي ما هوا يعتبر ولا متشقق بس الراجل قالي انه ناشف و كان في فرده فيها لوحه بسيطه
قريت الموضوع و هنزل الصبح اقري اللي ع الكاوتش كله و افهمه
مش شرط عندي غيرت 3 فرد كاوتش وموديل 2007 لان في منهم اللى اتعوج وفي منهم واحد ضرب ودة لانى لابس بلعه ربنا يكفينا الشر يعنى والحمدلله ربنا سترها معايا وكنت ماشي ع 60 ؟ وتانى حاطه استبن لانه ابتدي جيب سلك
يعنى اتنين اتعوجو واحد باظ ورابع ستبن وخامس معرفش راح فين ههههههههههههههههههه مش فاكر وربنا يسترها ((:
بص ياباشا انا الموضوع ده انا اتكلمت مع ناس كتير في المنتدى عنه عشان انا زيك عربيتي تيريوس 2007 و الكاوتش انتاج 2/2007 و ماشي دلوقتي 27 الف كيلو.
انا عندي الكاوتش نشف و صوته بقى عالي و اعتقد ان انت تغير احسن. بالنسبه ليا لقيت الفرده في بريدجستون ب 750 جنيه عشان كده انا مأجل الموضوع.
انا عربيتي 2007
لسا بالفبريكا
ماشي 33 ألف
الكاوتش عمرا 5 سنوات او 50 ألف كيلو
تاريخ الانتاج عندي 5\2007
فاتأكد يا اسلام لان معتقدش ان الكاوتش عندك فيه مشكله لان انا وانت نفس ظروف العربية بالظبط
سلامي
ياحازم بااااشاا كل عربيه وليه ظروفه
طريقه سواقتك ومعامتلك للعربي غير وغير اسلام كل واحد له معامله
وطريقه ممكن نتفق فى فى سنه الصنع مثلا لاكن ظروف الاستخدام لا نتفق فيها
والموضوع ع حسب وهيحس بيه اسلام بردو شوف امشي سلانسيه هادئ جدا فى حتى مستويه
وشوف عربيه ثبتها ولا بتتعرج منك زي مشيه البطه او زجزجاك يبقى كدة كاتوش عندك اتعوج ماكنش يبقى دنيا سليمه مناحيه العوج فى كاتوش انت بقا حاسس بحاجه فى فردة معينه غيرها وشوف بردو اكشف عليها كويس روح لغطاطي وخلي حد من مشرفين بيصلك عليها مش عمال والله مستعان
بصيت ع تاريخ الانتاج لقيته شهر 8 عام 2006
الكاوتش كله تمام هوا بقي ناشف ع كلام الراجل و فيه فرده منهم ورهاني و هيا بتلف ع الجهاز ان فيها عوجه بسيطه بس هوا الاول كانت بترج و كده ع الهادي حتي و بعد الترصيص الموضوع فرق كتير و الدنيا بقت حلوه
انا عندي الاستبن لسه منزلش ع الارض
المهم هوا كدا بقاله راكب 5 سنين و عامل 23 الف كيلو فانا ان شاء الله هقعده سنه كمان و اغيره ع ال 40 الف مع متابعه حاله الكاوتش كل كام شهر و ربنا الستار
يا نهار اسود 750 مره واحده ده انا ابيعها احسن
احنا عندنا الفرده ال 12 ب 200 جنيه تقريبا يعني فرده عندك ب 4 عندي
يعني انت هتغيره يا حازم شهر 5 الجاي لو 5 سنين
و انا لو همشي ع التاريخ يبقي انا مفروض اغيره الشهر ده
حيره و الله
انا بالنسبالي بمشي كتير ع 120 و بسافر ف السنه 7 مرات و طبعا ساعات بكون ماشي ساعه و نص مثلا ع 120 لو مكنش اكتر ف مقلق يعني النهارده واخد الدائري علي 120 بعد الترصيص بقي
لكن بالنسبه للنقشه
هيا تمام
لاني لا بفرمل فجاءه و لا بخمس
فروح لغطاطي يبصلي ان شاء الله
واضح ان العجلة اللي فيها اللوحة خلفية لو الاستبن تمام نزله لأن وجود عجلة فيها مشكلة هيأثر ع العفشة اللي عندها لو فضلت ماشي عليها
و كده العجل هيبتدي يسلم نمر واحدة ورا التانية عشان صلاحيته خلاص
فالأفضل انك تبتدي تستعد للشرا في خلال الشهرين دول اولا عشان الصلاحية ثانيا عشان سواقتك
و لو هتغير و مش هتقدر تجيب الــ4 دلوقتي جيب 2 حطهم قدام و استنضف اتنين و رحلهم ورا
و لو اللي مش هتستخدمهم حالتهم كويسة ممكن تبيعهم للراجل
انا مش هلحق لشهر 5
انا يوميا بعمل عالاقل 130 كيلو ولك ان تتخيل ان من وقت التكييف مثلا ما ركب انا عامل 10 آلاف كيلو (يعني من اخر شهر 4 لحد دلوقتي 10 آلاف كيلو
وبالتالي انا هغيرهم على 40 ألف واكون جمعت بين حل المشكلتين
بس عموما الكاوتش لازال ممتاز
وللعم انا يوميا على الدائري وعلى سرعة لاتقل عن 80 والحمد لله ربنا الستار
للعلم فقط على الراديو العقيد ايمن الضبع كان نوه ان صلاحية الكاوتش 6 سنين او 80 ألف كيلو
طبعا هي ارقام مبالغه شويه فيها لكن اكيد مش اقل من 5 سنين....سلامي
هروح اشوف اللي فيها اللوجه ديه و انزل مكانها الاستبن بما انه زيرو لسه
هوا اللي مقلقني اني دايما بجري بس و بكوني ماشي ع الشمال ع طول فلو لاقدر الله حصل حاجه و لفت شمال مش هقدر اعمل حاجه و هسلم ع الحاجز الخرساني و ناخد بعض بالحضن
و الجري ده داء
كنت رايح اسكندريه و قبل ما اتحرك قلت انا مش هزود عن 90 ف و انا رايح فعلا التزمت اه كنت بجيب 120 بس برجع تاني 100 و انا راجع بقي كان بعد الفجر راجع يا 140 يا 120 شويه كده و شويه كده
و مره برده كنت راجع مستعجل من العين السخنه
كان بيني و بين معاد ساعه و نص بالظبط ف مدينه نصر
خدت الطريق كله 140 وصلت مدينه نصر ف ساعه و كان صاحبي اتحرك معايا من فيصل وصل بعدي بنص ساعه
و المشكله ف طرق السفر الملل من طولها بتبقي عايز تخلصه حتي لو مش وراك حاجه
فربنا يستر طريق الواحد
حازم بقي
انا العربيه كمان يومين هتكون كملت سنه بالظبط
خلال السنه ديه عامل 15000 كيلو بالظبط
اظن استهلاك متوسط